Монголын ард түмэнд Б.Хурц хэзээд сонирхолтой дүр байсаар ирсэн. Заримд нь улс төрийн том гарын тоглогч, тагнуулч, шударга бус үйл явдлын гол дүр мэт боловч 4-н хүүхдийнхээ хувьд ЭНГИЙН Л НЭГ ААВ. Түүний ууган ганц хүү Х.Тайван УИХ-ын гишүүн асан Л.Элдэв-Очирын Э.Золзаяатай 2019-онд хуримлаж, гэрээсээ “одсон” бол энэ удаа том охин Х.Намууныгаа хадамд гаргасан. Аавуудын хувьд охиноо хадамд гаргана гэдэг тийм ч амар явдал биш. Хүргэн хүүгийн удам судар, боловсрол, эрхэлж буй ажил, ар гэрийн байдал, зан харилцаа, эрүүл мэндийн байдал гэхчлэн сонжоо үүгээр зогсохгүй. Тэр тусмаа тагнуулч Б.Хурцад бусдаас илүү сонжих шилдэг “жор” байж л таараа.
Тиймдээ ч Х.Намуун нөхөртэйгөө аль эртний танил байсан бөгөөд олон жилийн үерхэл, хамтын амьдралдаа дүн тавьж, Б.Хурцын шалгуурыг давж гэмээнэ хуримын тов гаргасан нь гарцаагүй. Ямартаа ч Б.Хурцын хүргэнээр тодорсон Б.Чилүгэн болбоос Ерөнхийлөгч асан Ц.Элбэгдоржийн эхнэрийн төрсөн дүү Х.Болдбаатарын хүү.
Х.Намуун өлгийтэй цагаасаа эхлэн гадаад, дотоодоор нүүдлийн шувуу шиг амьдарсан гэхэд хилсдэхгүй. Учир нь түүний өвөө, эмээ тэртээ 1965 онд Ленинград хотноо хуримлаж, ээж нь Ү.Сарнай нь орос школоор хүмүүжиж, тэр жишгээр Х.Намуун ч оросоор хэлд орсон гэхэд хилсдэхгүй интернациональ нэгэн. Ардын зураач Ү.Ядамсүрэнгийн зээ охин Х.Намуунаас бие даасан байдал, ертөнцийг үзэх үзэл нь хэнээс ч, юунаас ч хараат бус, өвөрмөц “ертөнц” ханхалдаг. Энэ нь түүний ээж Ү.Сарнайтай шууд холбоотой. Хүүхдүүдийнхээ орон зайд халддаггүй, дургүй зүйлийг нь хүчээр хийлгэдэггүй, хатуурхах үедээ даацтай хэдэн үг хэлж, бусад үед эрх дураар нь байлгадаг гэдгийг Х.Намуун ч хэлдэг. Үүний дүнд өнөөдрийн Х.Намуун бий болсон гэхэд буруудахгүй.
Тиймдээ ч түүний мэргэжил сонголт, ажлын түүх зэргийг харвал тэнгэр газар шиг ялгаатай. Х.Намууны Linkedin -ыг харвал тэрээр 2013-2018 онд Канадын Бритиш Колумбын их сургуульд философич мэргэжлээр суралцаж, СЭЗДС-д бизнесийн удирдлагаар магистр хамгаалжээ. Улмаар МИАТ-ээс эрхлэн гаргадаг сэтгүүлд редактор, UB POST сонинд чөлөөт сэтгүүлч, Central телевизэд хөтлөгч, NCC боловсролын байгууллагад багш, АПУ компанид брэнд төлөөлөгч, Faro компанид төслийн менежер гэхчлэн салбар салбарт туршлага хуримтлуулсан нэгэн.
Гэвч тэр хэвлэл мэдээллийн салбартай нэгэнт холбогдсон гэдгээ “Маяг” нэвтрүүлгийнхээ шинэхэн дугаарууд, “Тэнгисийн эрэг дээрх 24/7” шоуны продюссерээр ажилласнаараа харуулсан. Угтаа тэр боловсролын зээлийн сангаас 72 мянган ам.долларын зээл аваад эргэн төлөөгүй гэх таагүй түүхгүйсэн бол cool тодотголд яв цав нийцэх нэгэн.
