Америкийн Нэгдсэн Улсын Ерөнхийлөгч Дональд Трамп нь Холбооны засаг захиргаанд томоохон цомхотгол хийхээр болоод байна. Ингэхдээ 2025 оны хоёрдугаар сарын 06-наас өмнө сайн дураараа ажлаас гарсан албан хаагчдад найман сарын цалинтай нь тэнцэх нэг удаагийн тэтгэмж олгох юм. АНУ-ын Холбооны засаг захиргаанд нийт гурван сая гаруй хүн ажилладаг бөгөөд энэ үзүүлэлтээрээ улсын 15 дахь том ажил олгогч болдог аж. Энэхүү санал Холбооны ажилчдад цахим шуудангаар нь дамжин лхагва гарагийн шөнө нэгдсэн байдлаар очжээ. Д.Трампийн тушаалаар Холбооны засаг захиргааны бүх яам, агентлагуудад цомхотгох боломжтой албан тушаалуудын жагсаалтыг 90 хоногийн дотор гаргах ажил өрнөж байна. Тэтгэмж авч ажлаас гарахаа шийдсэн ажилтнууд энэ оны есдүгээр сарын сүүл хүртэл ажлаа хийж болно. Энэ төлөвлөгөө амжилттай хэрэгжвэл Холбооны засгийн газар $100 тэрбумыг хэмнэнэ.
Эх сурвалж: https://economictimes.indiatimes.com/news/international/global-trends/us-news-trump-buyouts-federal-employees-trump-plans-to-slash-the-federal-workforce-all-about-deferred-resignation-offer-whos-eligible-deadline-and-more/articleshow/117733655.cms?from=mdr
