Оскарын шагналт жүжигчин Николь Кидман өдгөө 58-н настай билээ. Түүний нөхөр Греммийн шагналт, кантри дуучин Кэйт Урбан одоо 57-н настай. Жүжигчин бүсгүй Урбанаас салах өргөдлөө өчигдөр буюу 9-р сарын 30-нд АНУ-ын Теннеси мужийн Нешвилл хотын шүүхэд гаргажээ.
Түүнээс салах болсон шалтгаанаа гэр бүлийн харилцааны доголдол, үзэл бодлын эвлэрэшгүй зөрчил хэмээн өргөдөлдөө бичсэн байна.
Мөн Николь Кидман хоёр охиныхоо ‘’асран халамжлагч’’ болохыг хүсэлтээ шүүхэд өгчээ.
Ингэхдээ хүүхэд асран халамжлахтай холбоотой ямар нэгэн дэмжлэг хэн хэнээсээ авахгүй байх, тус тусын нэр дээрх өмч хөрөнгөө хэвээр хадгалах нөхцөлийг тусгасан байна.
Австралид төрж, өссөн Кидман, Урбан нар 2005 онд Лос Анжелес хотод зохион байгуулагдсан Австраличуудад зориулсан арга хэмжээний үеэр танилцаж, дараа жил нь Сиднейд хуримлаж байжээ.
19-н жилийн хамтын амьдралдаа цэг тавихаар шийдсэн Кидман нь 1990 оноос эхлэн гурван жилийн хугацаанд алдарт жүжигчин Том Круйзтэй хамтран амьдарч байв.
